బూడిద ...

పసివాడు పుట్టినప్పుడు రక్షలా పూసేది బూడిద...
పిల్లాడు పెట్టినప్పుడు గుళ్ళో దణ్ణం ... రాసేది బూడిద ...
మనిషి కి గాలి సోకినప్పుడు నోట్లో ... వెసేది బూడిద ....
అదే మనిషి ముదిమిలో కట్టే మీద కాలి ... అయ్యేది బూడిద ....
ఈ జన్మే బూడిదమైయమైనప్పుడు ... యేల రా మనిషికి జీవితం మీ
దింతాశ ..? అదే బూడిద లో మునిగి పూజలందుకుంటున్న భగవంతా నువ్వైనా
జాగు చేయక... జాబు చెప్పరా జంగమయ్య .... !!!

నువ్వెమి...

 నిశ్చలమైన నింగి ...
గలగలమని పారే నీరు
బగబగమని మండే నిప్పు
బరబరమని వీచే గాలి
అనిస్చలమైన భూమి
అనంతవాయువైన ఆత్మ
ఇవన్ని మాయ అయితే ....
వీటికి మూలమైయిన నువ్వెమి...?!?
జాగు చేయక ....జాబు చెప్పారా జంగమయ్య ...!!!

కలుషితం .....

పండే తిండి ...
పారే నీరు ....
పీల్చే గాలి ....
మండే మంట ....

మదిలో చేసే  ఆలోచనలు ....
కళ్ళతో చూసే చూపులు .....
చేతి తో చేసే దానాలు ....
కోరికలతో చేసే పూజలు .....

చేసే చేతలు ....
కూసే కూతలు ....
రాసే రాతలు ....
వావి వరుసలు ....

ఇలా అన్ని కలుషితమే .... అన్నిటా కలుషితమే ....
ఈ కలుషితం ప్రకృతిలో ఓ భాగమా ....
లేక ఇదే ప్రకృతిలో భాగమైన ... మనిషిలో పెరుగుతున్న అవలక్షణమా ....
ఇదికాక అన్ని ఆత్మల మూలమైన ఆ పరమాత్మ గుణమా ....?!?
ఈ శేష ప్రశ్న కి బదులు నువ్వైనా తెలుపర ...జంగమదేవర ...!!!

బతుకు నేర్పిన పాఠం .....

పంచుకుంటే పెరిగేది జ్ఞానం ... 

దాన్ని పంచకుంటే పెరిగేది అహాం .... 

పంచుకుంటే పెరిగేది సంతోషం .... 

దాన్ని పంచకుంటే మిగిలేది శోకం ..... 

పంచుకుంటే తరిగేది బాధ ..... 

దాన్ని పంచకుంటే పెరిగేది వేదన .... 

పంచుకుంటే పెరిగేది బంధం ...

దాన్ని తెంచుకుంటే మిగిలేది శూన్యం .... 

దాచుకుంటే దాగేది పరువు..... 

దాన్ని దాచకుంటే మిగిలేది గుండె బరువు .... 

దాచుకుంటే దాగలేనిది వలపు .... 

దాన్ని దాచుకుంటే కలుగును ఓ పెద్ద మలుపు ..... 

పిలవకున్న వచ్చేవి కష్టాలు ... 

ఆ కష్టాల్లో పిలిచినా రానివి చుట్టాలు ..... 

పిలవకున్న పలకరించేవి రుగ్మతలు ..... 

అవి వచ్చినప్పుడు పిలిచినా పలకనివి గుళ్ళో దేవవతలు ..... 

వెళ్ళిపోయినా ప్రేయసి పై తరగక రెప్ప చాటున దాగిన  ... ప్రేమ పాశం ..... 

రెప్ప పాటున చడి చప్పుడు చేయకుండా ... పోయే ఈ ప్రాణం ....

 అన్న నీకేందుకింకా అంత మమకారం ...?!?.... 

ఏమో ఆ దేవుడన్న విప్పగాలడా ఈ శేష ప్రశ్నల నీ జీవిత సారం ...?!?... 

ఇది ఇప్పడి వరకు నా బతుకులో ఒక మరణం , ఓ ఎడబాటు నేర్పిన పాఠం .....!!! 

అహం బ్రహ్మాస్మీ ....!!!

గాలి, నిప్పు , నీరు, మన్ను , మిన్ను ....సమానా కలబోతతో ... ఈ సృష్టి లోని  రవ్వంత భూమి పై అణువంత శరీరంలో ఇరుకుగా ఇమిడిన నేనే ...అహం బ్రహ్మాస్మీ ...!!!

    అయినాగాని నాలో ఈ సందేహాలేందుకు ఈ ప్రశ్నలెందుకు...?!?...నాలో ఉత్పన్నమయ్యే ఆ అలజడుల అక్షర రూపమే ఈ శేష ప్రశ్నలు....